Ինչպես հաղորդում է INTERFAX.RU գործակալությունը, ԱՄՆ-ն ուկրաինական հակամարտության հետագա սրման պայմաններում պատրաստ է նոր պատժամիջոցներ կիրառել Ռուսաստանի դեմ:
Այդ մասին հայտնել է ԱՄՆ պետքարտուղար Ջոն Քերին, սպառնալով, որ հակամարտության ձգձգման դեպքում կսաստկացնի սահմանափակումները Ռուսաստանի ու նրա ներկայացուցիչների նկատմամբ:
Միաժամանակ նա նշել է, որ Միացյալ նահանգներն ու ԵՄ-ը միասնական դիրքորոշում ունեն ուկրաինական հարցում՝ հավաստելով որ իրենց միջեւ տարաձայնություններ գոյություն չունեն:
Հիշեցնենք, որ ավելի վաղ Գերմանիայի արտգործնախարարը շեշտել էր, որ երկիրը դեմ է Ուկրաինային զենք տրամադրելու տարբերակին, այնինչ, ԱՄՆ-ի մի շարք բարձրաստիճան պաշտոնյաներ հանդես են եկել Ուկրաինային ռազմական օգնություն ցուցաբերելու պահանջով:
