Ինչպես հաղորդում է INTERFAX.RU գործակալությունը, ԱՄՆ նախագահ Բարաք Օբաման դեռ չի ընդունել Ուկրաինային զենք մատակարարելու որոշում:
Այդ մասին նա հայտնել է Սպիտակ տանը կայացած մամուլի ասուլիսին, նշելով որ Ուկրաինայի արեւելքում հակամարտության խաղաղ կարգավորման գործընթացի ձախողման դեպքում Միացյալ նահանգները կվերանայեն ճգնաժամի հաղթահարման յուրաքանչյուր հնարավոր տարբերակ:
Միաժմանակ, ուկրաինական Ռադայում ԱՄՆ-ից ռազմական օգնություն ստանալու նպատակով նախատեսվում է քննարկումներ անցկացնել հատուկ խնդրագիր մշակելու համար:
Բացի այդ, Օբաման կրկին շեշտել է, որ Ռուսաստանի նմանատիպ դիրքորոշման պայմաններում կշարունակվի նրա նկատմամբ պատժամիջոցների կիրառումը՝ ավելացնելով, որ Ռուսաստանը գնալով ավելի մեծ քանակությամբ ռազմական տեխնիկա ու տանկեր է տրամադրում Դոնբասի աշխարհազորայիններին: