ՏԱՍՍ-ը տեղեկացնում է, որ Ադրբեջանը հայտ է ներկայացրել Շանհայի համագործակցության կազմակերպությունում դիտորդի կարգավիճակ ստանալու համար։ Այս մասին հայտարարել է կազմակերպության գլխավոր քարտուղար Դմիտրի Մեզենցեւը:
Նրա խոսքով՝ Ադրբեջանից բացի, դիտորդի կարգավիճակ ստանալու համար դիմում են ներկայացրել նաեւ Սիրիան, Բելառուսը, Հայաստանը եւ Բանգլադեշը։ Մեզենցեւը հայտնել է, որ 2013թ. մարտին Ուկրաինայի ԱԳՆ-ն դիմել էր կազմակերպության երկխոսության գործընկերոջ կարգավիճակ ստանալու համար, իսկ 2014թ. այդ հայտը բանավոր կերպով հաստատվել է։ «Մեզ համար շատ կարեւոր են այդ դիմումները եւ կազմակերպության նկատմամբ առկա հետաքրքրությունը։ Դա վկայում է այն մասին, որ Շանհայի համագործակցության կազմակերպությունը ազդեցիկ է եւ տարածաշրջանում հեղինակություն է վայելում»։
