Իսրայելի նախագահ Ռեուվեն Ռիվլինը և նրա լեհ գործընկեր Բրոնիսլավ Կոմորովսկին հայտարարել են, որ մայիսի 9-ին չեն մեկնի Մոսկվա՝ Հայրենական մեծ պատերազմի հաղթանակի 70-ամյակին նվիրված տոնակատարություններին, հայտնում է rosbalt.ru-ն։
«Մայիսի 9-ին նախագահը, ցավոք, չի կարող լինել այնտեղ»,- հայտնել է Իսրայելի նախագահի՝ արտասահմանյան ԶԼՄ-ների հետ կապերի խորհրդական Ջեյսոն Փերլմանը։
ՌԴ-ում Լեհաստանի դեսպան Կատաժինա Պելչինսկա Նալենչը, հայտնելով նախագահի՝ Մոսկվա կատարելիք այցից հրաժարվելու մասին, մեկնաբանությամբ հանդես չի եկել։ Ընդ որում՝ նա նշել է, որ իր համար այդ որոշումն անսպասելի չի եղել։
