ԵԱՀԿ Մինսկի խմբի համանախագահներ Ջեյմս Ուորլիքը (ԱՄՆ), Իգոր Պոպովը (Ռուսաստան), Պիեռ Անդրյոն (Ֆրանսիա) Ադրբեջան են մեկնելու փետրվարի 15-ին: Այդ մասին Trend գործակալությանն ասել է դիվանագիտական աղբյուրը:
Նույն աղբյուրի հավաստմամբ՝ փետրվարի 16-ին համանախագահները մի շարք հանդիպումներ են ունենալու Ադրբեջանի կառավարության ներկայացուցիչների հետ, ինչից հետո մեկնելու են Երևան:
Հիշեցնենք, որ վերջերս ԵԱՀԿ Մինսկի խմբի համանախագահները Հայաստանի և Ադրբեջանի նախագահների մակարդակով բանակցությունները վերսկսելու կոչ են արել:
Համանախագահները հայտարարություն էին տարածել փետրվարի 6-ին Մյունխենում ՀՀ արտաքին գործերի նախարար Էդվարդ Նալբանդյանի հետ հանդիպումից հետո:
