Եվրամիության գագաթնաժողովը, որի ընթացքում չեն քննարկվելու Ռուսաստանի դեմ պատժամիջոցները, Բրյուսելում մեկնարկել են երեք ժամ ուշացումով։ Մասնակիցները նախ սպասել են Մինսկից Անգելա Մերկելի, Ֆրանսուա Օլանդի եւ Պյոտր Պորոշենկոյի ժամանմանը, ապա Պորոշենկոյի եւ Եվրոպական խորհրդի ղեկավար Դոնալդ Տուսկի, Եվրահանձնաժողովի նախագահ Ժան-Կլոդ Յունկերի հանդիպման ավարտին։
ԵՄ առաջնորդները, Բրյուսել գալուն պես, անթաքույց լավատեսությամբ են մեկնաբանել «նորմանդական քառյակի» բանակցությունների արդյունքները։ Նրանք, սակայն, մտավախոթւյուն են հայտնել, որ հրադադարի պայմանավորվածությունը կարող է գործնականում չիրականացվել, հաղորդում է ՏԱՍՍ-ը։
