ԱՄՆ նախագահ Բարաք Օբաման Իրանի հոգևոր առաջնորդ այաթոլլա Ալի Խամենեից ստացել է հոկտեմբերին ուղարկած նամակի պատասխանը։ Ինչպես տեղեկացնում է Взгляд-ը, այդ մասին հաղորդել են Իրանի դիվանագիտական շրջանակների աղբյուրները:
Ինչպես տեղեկացնում է Wall Street Journal-ը, հոկտեմբերյան ուղերձում երկու հարցի մասին է եղել. աջակցություն «Իսլամական պետություն» ահաբեկչական խմբավորման դեմ արշավին և Իրանի միջուկային հարցի վերաբերյալ հարցեր:
Պարբերականի աղբյուրը ճշգրտել է, որ նամակն ուղարկվել է մի քանի շաբաթ առաջ. այն հարգալից է եղել, բայց «խուսափողական»:
Սպիտակ տունն իր հերթին հրաժարվել է հաստատել Իրանի հոգևոր առաջնորդից նամակ ստանալու փաստը:
Վաշինգտոնը Թեհրանի հետ դիվանագիտական հարաբերությունները խզել էր 1980 թվականին՝ իսլամական հեղափոխությունից հետո:
Հիշեցնենք, որ նոյեմբերին Wall Street Journal-ը հաղորդել էր, որ Օբաման հոկտեմբերի կեսերին նամակ է հղել Իրանի հոգևոր առաջնորդին: