Ինչպես հայտնում է Ռիա Նովոստի գուրծակալությունը, Դոնեցկի ինքնահռչակ հանրապետության ղեկավար Ալեքսանդր Զախարչենկոն այսօր ստորագրել է կրակի դադարեցման մասին հրամանագիրը:
Փաստաթղթի համաձայն, առաջնորդվելով մինսկյան համաձայնագրերով, որոշում է ընդունվել փետրվարի 15-ին, ժամը 1:00-ին դադարեցնել կրակն ու հաստատել հրադադար:
Հրամանագրվում նշվում է, որ յուրաքանչյուր պրովոկացիոն գործողություն խստորեն պատժվելու է: Դոնեցկի պաշտպանության նախարարին հրահանգվել է կազմակերպել հրադադարի ռեժիմի մոնիտորինգը ՝ ներգրավելով կենտրոնական միասնական ու ԵԱՀԿ դիտորդական խմբերի ներկայացուցիչներին: