Ինչպես հաղորդում է ՏԱՍՍ գործակալությունը, Եթե խաղաղություն չհաստատվի, ապա ամբողջ Ուկրաինայի տարածքում ռազմական դրություն կհաստատվի:
Այս մասին այսօր՝ փետրվարի 14-ին, Կիեւում սահմանապահներին նոր ռազմական եւ հատուկ տեխնիկա տրամադրելու արարողության ժամանակ հայտարարել է Ուկրաինայի նախագահ Պյոտր Պորոշենկոն:
Պորոշենկոն նշել է. «Մեզ պետք է պատկերացնել մեր գործողությունները՝ թշնամու կողմից հրադադարը խախտելու դեպքում: Դեռեւս Մինսկից առաջ կառավարության նիստում ես զգուշացրել եմ, որ եթե խաղաղություն չլինի, շատ ծանր որոշումներ կարող են կայացվել, սակայն ամենից առաջ պետք է ռազմական դրություն մտցնել: Այդ դեպքում ռազմական դրություն կմտցվի ոչ միայն Դոնեցկի ու Լուգանսկի շրջաններում, այլեւ ամբողջ երկրում»: