ԱՄՆ նախագահ Բարաք Օբամայի լուսանկարը պատահմամբ հայտնվել է ամերիկյան Fox 5 San Diego հեռուստաալիքի նորությունների սյուժեում: Այս մասին տեղեկացնում է Times of San Diego թերթը:
Հունվարի 13-ի երեկոյան վերոնշյալ հեռուստաալիքի հաղորդավարուհին պատմել է հեռուստադիտողներին բռնաբարված աղջկա մասին: Այն պահին, երբ խոսվել է միակ կասկածյալի մասին, ում դեմ մեղադրանք չի ներկայացվի, էկրանին հայտնվել է Օբամայի նկարը «Ոչ մի մեղադրանք» տեքստով:
Նորությունների բաժնի խմբագիր Մայք Վիլլեն խոստովանել է, որ իր աշխատակիցները սխալ են թույլ տվել. «Դա դիտմամբ չի արվել », — ասել է նա:
Խոսելով այն մասին, որ հեռուստաալիքը ներողություն չի խնդրել, Վիլլեն ասել է, որ հաղորդավարներն ուշադրություն չեն դարձնում նման անհեթեթ վրիպակներին: Վիլլեն նաև հայտնել է, որ ոչ եթերի ընթացքում, ոչ էլ դրանից հետո որևէ մեկը չի բողոքել: