Ինչպես հաղորդում է ՏԱՍՍ գործակալությունը, ԱՄՆ պատվիրակության ներկայացուցիչները հաջորդ շաբաթ Վաշինգտոնում նոր բանակցություններ կվարեն Կուբայի պատվիրակության հետ:
Այդ մասին հայտնել են ԱՄՆ սենատորներից կազմված պատվիրակության ներկայացուցիչները, նշելով որ բանակցություններն ուղղված են երկու երկրների հարաբերությունների կարգավորմանը:
Սենատորները հույս են հայտնել, որ երկխոսությունը հաջող ելք կունենա ու ճանապարհ կհարթի երկու երկրների միջեւ բարեդրացիական հարաբերությունների հաստատմանը:
Հիշեցնենք, որ 2014թ.-ին ԱՄՆ ու Կուբայի նախագահներ Բարաք Օբաման ու Ռաուլ Կաստրոն հայտարարել էին երկկողմ հարաբերությունների կարգավորման ու Կուբայի տնտեսական շրջափակման վերացման հեռանկարների մասին:
Կողմերի միջեւ առաջին պաշտոնական բանակցությունները տեղի էին ունեցել 2015թ.-ի հունվարին Հավանայում, որտեղ որոշում էր կայացվել հաստատել դիվանագիտական ներկայացուցչություններ ու քննարկվել էին մի շարք խնդիրներ: Նախորդ շաբաթ ԱՄՆ կոնգրեսին էր ներկայացվել Կուբայի առեւտրական էմբարգոն չեղյալ հայտարարելու մասին օրինագիծը:
