ԴԺՀ և ԼԺՀ գրոհայինները չեն կատարում փետրվարի 12-ին Մինսկում նորմանդական քառյակի ղեկավարների նիստի արդյունքում ստորագրած համաձայնագրով ստանձնած պարտավորությունները։ Այս մասին այսօր լրագրողների հետ հանդիպմանը հայտարարել է Հայաստանում Ուկրաինայի արտակարգ և լիազոր դեսպան Իվան Կուխտան։
Նա համարում է, որ համաձայնագրի պայմանների կատարումը հրադադարի հաստատման և լարվածության թուլացման միակ ճանապարհն է։ «Մինսկի համաձայնագրերը վտանգի տակ են, եթե գրոհայինները, չդադարեցնեն կրակահերթը»,- հայտարարել է դեսպանը։
Նա Ռուսաստանին մեղադրել է ԴԺՀ և ԼԺՀ գրոհայիններին ակտիվ օժանդակություն ցուցաբերելու համար։ Ըստ նրա՝ Ուկրաինան Արևմուտքին խնդրում է Ռուսաստանի դեմ պատժամիջոցներ կիրառել։
