ԻՆչպես տեղեկացնում է ՏԱՍՍ գործակալությունը, Դեբալցեւոյում շարունակվող ռազմական գործողությունների պատասխանատվությունն ընկնում է Ռուսաստանի վրա:
Այդ մասին հայտարարել են ԱՄՆ փոխնախագահ Ջո Բայդենն ու ՄԱԿ-ում ԱՄՆ ներկայացուցիչ Սամանտա Պաուերը:
Մասնավորապես Ջո Բայդենը նշել է, որ Ռուսաստանը շարունակում է խախտել մինսկյան համաձայնագրություններն ու փետրվարի 12-ին ձեռք բերված պայմանագրի դրույթները, ուստի նման քաղաքականության շարունակության դեպքում ԱՄՆ-ը հակազդող քայլեր կձեռնարկի:
Միաժամանակ ՄԱԿ-ում ԱՄՆ ներկայացուցիչ Սամանտա Պաուերը հայտնել է, որ Ռուսաստանը կնքելով համաձայնագրեր՝ միաժամանակ դրանք խախտում է:
Վերջում նրանք հայտնել են, որ Միացյալ նահանգները դատապարտում են Դեբալցեւոյում հրադադարի խախտման դեպքերը:
