ԵԱՀԿ Մինսկի խումբը հայտարարություն է տարածել՝ համանախագահներ Իգոր Պոպովի (Ռուսաստան), Պիեռ Անդրյոի (Ֆրանսիա) և Ջեյմս Ուորլիքի (ԱՄՆ) տարածաշրջան այցից հետո: Նրանց միացել է նաեւ ԵԱՀԿ գործող նախագահի անձնական ներկայացուցիչ Անջեյ Կասպրշիկը:
Համանախագահները հանդիպել են Ադրբեջանի եւ Հայաստանի նախագահների, արտաքին գործերինախարարների եւ պաշտպանությաննախարարների , ինչպես նաեւ Լեռնային Ղարաբաղի իշխանությունների հետ:
Այցի հիմնական նպատակն էր կողմերին կոչ անել խստորեն պահպանել հրադադարի ռեժիմը հունվարյան խախտումներից հետո
Ըստ հայտարարության՝ քննարկումների ժամանակ կողմերը հաստատել են իրենց հավատարմությունը ԼեռնայինՂարաբաղի հակամարտության խաղաղ կարգավորմանը: Նախագահները նաեւ համաձայնել է հաշվի առնել եւքննարկել համանախագահների առաջարկները, որոնք կարող են ամրապնդել հրադադարի ռեժիմը:
Համանախագահները նաեւ քննարկել են նախագահների ու ԱԳ նախարարների հետ հակամարտությանկարգավորմանը միտված հետագա քայլերը, ինչպես նաեւ այս տարի նախագահների հանդիպման նախապատրաստական աշխատանքները:
Համանախագահները հանդիպել են նաեւ Կարմիր խաչի միջազգային կոմիտեի (ԿԽՄԿ) տարածաշրջանաին ներկայացուցիչներին՝ քննարկելու Լեռնային Ղարաբաղի հակամարտության հետեւանքով անհայտ կորած անձանց հարցերը: Նրանք կարեւորել են 2014 հոկտեմբերին Փարիզում կայացած նախագահական գագաթաժողովում ձեռք բերված պայմանավորվածությունը, որով նախատեսվում է տեղեկատվություն փոխանակել անհայտ կորածներիմասին ԿԽՄԿ –ի հովանու ներքո: