Ինչպես տեղեկացնում է Ռիա Նովոստի գործակալությունը, Իսպանիան, Կոլումբիան ու Միացյալ նահանգները Վենեսուելայի դեմ միջազգային դավադրության կազմակերպիչներն են:
Այդ մասին հայտնել է Վենեսուելայի նախագահ Նիկոլաս Մադուրոն, նշելով, որ Մադրիդի, Բոգոտայի ու Մայամիի աջ ուժերը դավադրություն են նախապատրաստում Վենեսուելայի դեմ:
Նրա խոսքերով հենց այդ ուժերն են հրապարակում Վենեսուելայի իշխանություններին սեւացնող ու վարքաբեկող նյութեր:
«Յուրաքանչյուր օր Մադրիդի լրատվամիջոցները հրապարակում են Վենեսուելային վարքաբեկող ստահոդ լուրեր, որոնցում երկիրը ներկայացվում է սեւ գույնով, միջոցառումներ են իրականացվում մեր երկրի ու հեղափախության դեմ, շարունակում Չավեսի դեմ ուղղված իրենց քայքայիչ գործունեությունը»,-նշել է Մադուրոն:
Նախագահի խոսքերով, նրանց գործունեությունը պայմանավորված է Վենեսուելայի լիբերալ ընդդիմության աշխուժացմամբ, որոնք հովանավորվում են արեւմուտքի կողմից:
Հիշեցնենք, որ ԱՄՆ պետքարտուղարության ներկայացուցիչ Ջենիֆեր Փսակին ավելի վաղ հայտարարել էր, որ Մարունդոյի ԱՄՆ կողմից նախապատրաստվող դավադրության պնդումները ծիծաղ են առաջացնում ու չեն համապատասխանում իրականությանը:
