Եթե Ռուսաստանը չպահպանի Ուկրաինայի հարցով մինսկյան համաձայնությունները, ԱՄՆ-ն Մոսկվայի դեմ նոր պատժամիջոցներ կսահմանի, vz.ru-ի փոխանցմամբ հայտարարել է Սպիտակ տան պաշտոնական ներկայացուցիչ Ջոշ Էռնեստը:
Նա հայտնել է ԱՄՆ-ի խորին անհանգստությունը Ռուսաստանի կողմից ռազմական գործողությունների և անջատողականների աջակցության շարունակման հարցում: Նրա խոսքով՝ այդ քայլերը չեն համապատասխանում Մինսկի համաձայնություններին:
Էռնեստը կոչ է արել Մինսկի համաձայնությունները ստորագրած բոլոր կողմերին կատարել իրենց ստանձնած պարտավորությունները:
Ներկայացուցիչը նաև ասել է, որ իրենք համագործակցելու են իրենց եվրոպացի գործընկերների հետ՝ ճնշումն առավելագույնս ուժեղացնելու համար: