Ինչպես հաղորդում է Ռիա Նովոստի գործակալությունը, ԱՄՆ պետքարտուղար Ջոն Քերին և Իրանի ԱԳ նախարար Մոհամմադ Ջավադ Զարիֆն ավարտել են բանակցությունները միջուկային ծրագրի շուրջ, պատվիրակությունները հեռանում են նիստի դահլիճից:
Բանակցություններին մասնակցել են նաև Իրանի ատոմային էներգիայի կազմակերպության Ալի Աքբար Սալեհիին և ԱՄՆ էներգետիկայի նախարար Էրնեստ Մոնիզը:
Ինչպես ավելի վաղ հայտնել էր Զարիֆը` բանակցությունները Ժնևում լավ են ընթացել: Իրանի փոխարտգործնախարար Աբաս Արաքչին գործակալությանը տված հարցազրույցում նշել է, որ կողմերը աշխատանքներ են տանում հաջորդ շաբաթ «վեցնյակի» հետ հերթական հանդիպումն անցկացնելու համար:
«Վեցնյակը» (ՌԴ, ԱՄՆ, Չինաստան, Մեծ Բրիտանիա, Ֆրանսիա, Գերմանիա) և Իրանը շարունակում են դիվանագիտական ջանքեր գործադրել իրանական միջուկային ծրագրի շուրջ համապարփակ համաձայնագրի հասնելու համար: