Ինչպես տեղեկացնում է «Երրորդ համաշխարհային պատերազմ» պորտալը, Ուկրաինայի ԱԳՆ-ն մեղադրել է Մոսկվային երկրի տարածքում` Դոնբասի ռազմական գործողությունների գոտու սահմաններից դուրս, ահաբեկչություններ կազմակերպելու համար:
«Ամեն գնով փորձելով թուլացնել իրավիճակն Ուկրաինայում` Ռուսաստանն այսօր բացարձակ ցինիկ կերպով սկսել է ահաբեկչական գործողություններ կազմակերպել ուկրաինական քաղաքներում», - ասել է Ուկրաինայի արտաքին քաղաքականության գերատեսչության մամլո քարտուղար Եվգենի Պերեբիյնիսը:
Ավելի վաղ Ուկրաինայի դեսպան Դմիտրի Կուլեբան, մեկնաբանելով Խարկովում փետրվարի 22-ին տեղի ունեցած պայթյունը, կատարվածն անվանել է հարված խաղաղ կարգավորմանը և հայտարարել է, որ «ոչ ոք կասկած չունի» ահաբեկչության կազմակերպման գործում Ռուսաստանի ներգրավվածության հարցում:
Ուկրաինայի Անվտանգության ծառայությունը փետրվարի 22-ին հայտնել էր նույն քաղաքում ևս մեկ ահաբեկչության կանխման մասին, որի համար զենք մատակարարել էին Բելգոգրադից: