Ինչպես հաղորդում է Ռիա Նովոստի գործակալությունը, Հյուսիսային Կորեան Վաշինգտոնի ու Սեուլի դեմ սպառնալիքներ է տեղացել այն բանից հետո, երբ վերջիններս հայտարարել են համատեղ զորավարժություններ անցկացնելու մասին:
ԿԺԴՀ իշխանությունները ընդգծել են, որ բանակցություններ ժամանակներն անցել են ու անհրաժեշտ է հակառակորդին տալ արժանի հակազդեցություն:
Հյուսիսային Կորեան Սեուլի իշխանություններին անվանել է Վաշինգտոնի ծառա ու խոստացել զորավարժությունների իրագործման դեպքում համարժեք քայլերի դիմել:
Ավելի վաղ ԿԺԴՀ Վաշինգտոնին առաջարկել էր հրաժարվել համատեղ զորավարժություններից՝ փոխարենը խոստանալով դադարեցնել միջուկային ծրագրերը, սակայն ԱՄՆ պաշտոնական իշխանություններն այդ առաջարկն անպատասխան էին թողել:
Հյուսիսային Կորեան հայտարարել է, որ ԱՄՆ ու Հարավային Կորեայի համատեղ զորավարժությունները երկիր ներխուժելու նախապատրաստական գործընթացն են: