Ինչպես տեղեկացնում է ՏԱՍՍ գործակալությունը, Սոմալիի մայրաքաղաք Մոգադիշոյի նախագահական նստավայրը ենթարկվել է ականանետային ռմբակոծության:
Այդ մասին հայտնել են երկրի անվտանգության ծառայությունից, նշելով, որ նախագահական պալատի ուղղությամբ արձակվել է առնվազն 6 հարված, ինչի հետեւանքով զոհվել է 1 մարդ:
Պայթյունի հետեւանքով զգալի վնաս են կրել նաեւ հարակից կառույցները, որոնց պատուհանների ապակիները փշրվել են:
Պայթյունի պատասխանատվությունն իր վրա է վերցրել միջազգային ահաբեկչության հետ սերտ համագործակցություն ծավալող սոմալիական արմատական Աշ-Շաբաբ խմբավորումն, որը պարբերաբար հարձակումներ է իրականացնում կառավարական հիմնարկների ու չինովնիկների նկատմամբ:
Հիշեցնենք, որ 1991թ.-ի հեղաշրջումից հետո Սոմալիում հաստատվել է անիշխանություն:
Մոգադիշոյում գտնվող կառավարությանը չի հաջողվում վերահսկել երկրի իրավիճակը, որտեղ իրենց գործողություններն են ծավալում մի շարք արմատական խմբավորումներ:
