Ինչպես տեղեկացնում է «Երրորդ համաշխարհային պատերազմ» պորտալը, Ուկրաինայի նախագահ Պյոտր Պորոշենկոն նամակ է հղել Ռուսաստանի նախագահ Վլադիմիր Պուտինին, որում նրանից խնդրել է անհապաղ ազատ արձակել ուկրաինուհի օդաչու Նադեժդա Սավչենկոյին:
Ուկրաինացի օդաչու Նադեժդա Սավչենկոն գտնվում է ռուսական բանտում: Ռուսաստանյան վարկածի համաձայն 33-ամյա օդաչուն ուկրաինական ուժայինների շարքերում մարտնչել է Դոնբասի աշխարհազորայինների դեմ, ինչպես նաեւ մեղադրվում է ռուս 2 լրագրողների սպանության կազմակերպման մեջ:
Հիշեցնենք, որ Սավչենկոն 2014թ.-ի հոկտեմբերին ընտրվել էր Գերագույն ռադայի պատգամավոր, իսկ այնուհետեւ ընդգրկվել ԵԱՀԿ ուկրաինական պատվիրակության կազմում:
Ռուսաստանի դատարանը նրա կալանքը երկարաձգել է մինչեւ մայիսի 13-ը:
