Բանգլադեշում ընդդիմադիր ահաբեկիչները վառել են ուղևորներ փոխադրող ավտոբուս: Այս մասին հայտնում է The Dhaka Tribune-ը:
Հարձակվողներն ավտոբուսի վրա են նետել վառելիքով լցված շշեր: Կա 11 զոհ և 7 վիրավոր: Բժիշկների փոխանցմամբ, վիրավորներից երկուսը կրիտիկական ծանր վիճակում են:
Վերջին օրերի ընթացքում ցուցարարները վառել են ավելի քան 20 մեքենա, հիմնականում ուղևորներ փոխադրող ավտոբուսներ՝ այդ կերպ փորձելով տրանսպորտային բլոկադա ստեղծել երկրի մայրաքաղաք Դակկիյում:
Ընդդիմության ակցիաները սկսվել են այն բանից հետո, երբ Բանգլադեշում 2015թ-ի հունվարի 1-ին Բանգլադեշի Ազգային կուսակցության նախագահ և նախկին վարչապետ Հալեդա Զիան պահանջեց նոր ընտրություններ անցկացնել՝ կոչ անելով իր կողմնակիցներին դուրս գալ փողոց:
Փետրվարի 25-ին դատարանի որոշմամբ Հալեդա Զիային ձերբակալեցին՝ կոռուպցիայի մեղադրանքով: Քաղաքական գործչին մեղադրում են այն բանում, որ նա անօրինական կերպով յուրացրել է ավելի քան 600 հազար ԱՄՆ դոլար, որը հատկացված է եղել բարեգործական նպատակների համար: Նրան սպասվում է ցմահ բանտարկություն: Հունվարից սկսված բախումների ընթացքում Բանգլադեշում մահացել է ավելի քան 120 մարդ, ընդդիմության ավելի քան 400 ներկայացուցիչներ ձերբակալվել են:
