Ճապոնիա կատարած այցի ընթացքում Գերմանիայի կանցլեր Անգելա Մերկելը կոչ է արել պահպանել Ռուսաստանի դեմ պատժամիջոցները՝ պայմանավորված Ուկրաինայում տիրող իրավիճակով, սակայն խոստովանել է, որ պետք է խնդրի լուծման համար դիվանագիտական ուղիներ որոնել: Այս մասին տեղեկացնում է РИА Новости գործակալությունը:
Մերկելը կողմ է արտահայտվել ՄԱԿ-ի Անվտանգության խորհրդում բարեփոխումների իրականացմանը և նշել է Ճապոնիայի և Բրազիլիայի հետ համագործակցության կարևորությունը՝ մասնավորապես միջազգային ահաբեկչության դեմ պայքարում:
Մերկելն իր ելույթում անդրադարձել է Ճապոնիայի երկու քաղաքացիների՝«Իսլամական պետության» կողմից մահապատժի ենթարկվելուն և և Փարիզում տեղի ունեցած ահաբեկչություններին:
Ավելի ուշ կկայանա Մերկելի հանդիպումը Ճապոնիայի վարչապետ Սինձո Աբեի հետ, որի հետ քննարկվելու են G7-ի շրջանակներում համագործակցության, Ուկրաինայի արևելքում տիրող իրավիճակի, ՄԱԿ-ի Անվտանգության խորհրդի բարեփոխման, ահաբեկչության դեմ պայքարին առնչվող հարցեր:
Ճապոնացի վերլուծաբանները կարծում են, որ Բեռլինի ու Տոկիոյի դիրքորոշումները նման են G7-ի անդամ մնալու և Ռուսաստանի հետ հարաբերությունների սրումից խուսափելու հարցում:
