“Եվրոպան դեռ պատրաստ չէ ուժգնացնել Ռուսաստանի դեմ պատժամիջոցները”,- այս մասին հայտարարել է Եվրոպայի խորհրդի ղեկավար Դոնալդ Տուսկը New York Times պարբերականում տված իր հարցազրույցում:
Նրա խոսքով այս պահին ԵՄ անդամ երկրների հետ «անհնար» է համաձայնության գալ այս հարցում:
Տուսկը հայտարարել է. «Եվրոպայում որոշ քաղաքական գործիչներ դեռ հույս ունեն, որ Ռուսաստանը կփոխի իր քաղաքականությունը Ուկրաինայի հարցում, սակայն, Եվրոպայի խորհրդի ղեկավարն ընդգծել է, որ նա այս հարցում ավելի թերահավատ է»:
Ըստ Տուսկի՝ հաշվի առնելով ԵՄ գործունեության առանձնահատկությունները, այս հարցում նրանք չեն կարող որոշումներ կայացնել այնքան արագ, որքան կցանկանար Վաշինգտոնը:
«Համերաշխության հասնելը թվով 28 ժողովրդավար երկրների միջև շատ բարդ գործընթաց է», - ասել է Եվրոպայի խորհրդի ղեկավարը:
Տուսկը նաև նշել է, որ Մինսկում կայացած համաձայնագիրը Ուկրաինայի հարցըր չի լուծել ամբողջությամբ, սակայն «բարելավվել է իրավիճակը»:
Ռուսաստանի դիրքորոշումն այս հարցում՝
Մոսկվան բազմիցս հայտարարել է, որ ինքը դեմ է պատժամիջոցների կիրառման քաղաքականությանը:
«Մենք համոզված ենք, որ պատժամիջոցները բացարձակապես անօրինական են և բացասական ազդեցություն կունենան տնտեսության վրա ոչ միայն Ռուսաստանի, այլև ԵՄ-ի դեպքում», - հայտնել է ՌԴ ԱԳՆ խոսնակ Ալեքսանդր Լուկաշևիչը:
