Թալին Էրգյունեշ Գազերը դիմել է Թուրքիայի ընդդիմադիր Ժողովրդահանրապետական կուսակցությանը՝ որպես պատգամավորության թեկնածու գրանցվելու համար:
Demokrat Haber-ը հայտնում է, որ ընտրվելու դեպքում նա կդառնա Թուրքիայի խորհրդարանի առաջին հայ կին պատգամավորը:
Թալին Էրգյունեշ Գազերը, ով Սուրբ Հակոբ եկեղեցու հասարակայնության հետ կապերի բաժնի ղեկավար ու հայ կաթոլիկ համայնքի հոգևոր առաջնորդ Լևոն Զեքիյանի հասարակայնության հետ կապերի պատասխանատուն է, թեկնածու դառնալու համար դիմում է ներկայացրել:
Թալին Էրգյունեշ Գազերը ծնվել է 1977 թվականին, Ստամբուլում, ավարտել է Մխիթարյան հայկական դպրոցն ու Անադոլու համալսարանի Տուրիզմի ու հյուրանոցների կառավարման բաժինը: Գազերն նախկինում աշխատել է զբոսաշրջության ոլորտում: Նա ամուսանացած է, ունի երկու երեխա: