ԱՄՆ նախագահ Բարաք Օբաման հայտարարել է Վրաստանում նոր դեսպան նշանակելու մասին: Ինչպես տեղեկացնում է ՌԻԱ Նովոստի գործակալությունը, այդ պաշտոնին առաջադրվել է դիվանագետ Յան Քելիի թեկնածությունը:
Վերջինս որոշ ժամանակ առաջ վերահսկել է ամերիկյան արտաքին քաղաքականության ռուսական ուղղությունը:
Այժմ Քելին աշխատում է Իլինոիս նահանգի համալսարանում, իսկ 2012-2013 թվականներին եղել է ԵԱՀԿ-ում ԱՄՆ ներկայացուցիչը:
2007-2009 թվականներին գլխավորել է Պետքարտուղարության եվրոպական և եվրասիական գործերով բյուրոյի ռուսական ուղղությունը:
