Ուկրաինական UNIAN լրատվական գործակալության փոխանցմամբ` Ուկրաինայի նախագահ Պյոտր Պորոշենկոն Գերագույն ռադայի դիտարկմանն է ներկայացրել Դոնբասի առանձին շրջաններին հատուկ կարգավիճակ տրամադրելու մասին օրինագիծը:
Մարտի 12-ին Ուկրաինայի ազգային անվտանգության ու պաշտպանության խորհուրդը որոշում է ընդունել Դոնբասի առանձին շրջանների սահմանները հստակեցնելու մասին, որոնցում ներդրվում է տեղական ինքնակառավարման հատուկ կարգ: Այդ որոշման իրագործման համար խորհրդարանը պետք է ուղղումներ մտցնեն «Դոնեցկի ու Լուգանսկի մարզերի առանձին շրջանների տարածքներում տեղական ինքնակառավարման հատուկ կարգի մասին» օրենքում:
Ուկրաինայի ազգային անվտանգության ու պաշտպանության խորհրդի քարտուղարի տեղակալ Միխայիլ Կովալը հայտարարել է, որ «հատուկ կարգը» չի տարածվելու այն տարածքների վրա, որոնք զինյալները զավթել են նախորդ տարվա սեպտեմբերի 19-ի մինսկյան պայմանավորվածությունների ստորագրումից հետո:
Օրենքի ընդունումն այս տարվա փետրվարի 12-ի մինսկյան պայմանավորվածությունների պայմաններից մեկն է: Հատուկ կարգավիճակի մասին քվեարկությունը պետք է անցկացվի մարտի 17-ին կամ 18-ին:
