ՌԴ հայտնի հեռուստահաղորդավարուհի Քսենիա Սոբչակը հատուկ ծառայությունների խորհրդով որոշել է ժամանակավորապես լքել Ռուսաստանը, գրում է «Коммерсантъ» թերթը։
Սոբչակի մտերիմները նշել են, որ մեկնելու պլանները նրա մոտ առաջացել են «հատուկ ծառայությունների խորհրդով»։
«Ազգերի թատրոնում «Ամուսնություն» ներկայացման պրեմիերան հետաձգել չէի կարող, ինչպես և չէի կարող հետաձգել այս ընթրիքը, սակայն վաղն իսկ կլքեմ Ռուսաստանը որոշ ժամանակով»,- ասել է Սոբչակը։
Ռուս ընդդիմադիր գործիչ Բորիս Նեմցովի սպանությունից հետո ռուսական ԶԼՄ-ները հայտնում են, որ Սոբչակը վախենում է իր կյանքի համար և կրկնապատկել է անվտանգության աշխատակիցներին: