Ռուսական բանկերի կրած վնասները 2015թ. փետրվարին աճել են մինչև 36 մլրդ ռուբլի։ Հունվարին վնասները կազմել էին 24 մլրդ ռուբլի։ Այս մասին հայտնել է ՌԴ Կենտրոնական բանկի փոխնախագահ Միխայիլ Սուխովը, փոխանցում է Deutsche Welle-ն։
ՌԴ Կենտրոնական բանկի փոխնախագահ Միխայիլ Սուխովը կարծում է, որ «վերջնական ֆինանսական արդյունքի առումով պետք չէ սպասել մեծ թվերի՝ ինչպես շահույթի, այնպես էլ վնասների մասով»։
Նա նաև նշել է, որ 2015-ի արդյունքներով ռուսական վարկային ինստիտուտները կստանան դրական ֆինանսական արդյունք մի քանի հարյուր միլիարդ ռուբլու չափով։ Պաշտոնյայի խոսքով՝ բանկերը կկարողանան հարմարվել երկրի նոր տնտեսական պայմաններին մի քանի ամսից։
