ԱՄՆ-ն բացառում է Սիրիայի նախագահ Բաշար ալ-Ասադի հետ ուղիղ բանակցությունների հնարավորությունը, գրում է Deutsche Welle-ն:
«Նա, ով տասնյակ հազարավոր իր համաքաղաքացիներին է սպանել, իրավունք չունի որևէ դեր ունենալ իր երկրի ապագայի որոշման հարցում»,- հայտարարել է Պետդեպի ներկայացուցիչ Ջեն Փսակին:
Նախկինում ԱՄՆ պետքարտուղար Ջոն Քերին հայտարարել էր Ասադի հետ բանակցությունների հնարավորության մասին, ինչն առաջացրել էր Վաշինգտոնի դաշնակիցների վրդովմունքը:
