Եվրանեսթ ԽՎ-ի լիագումար նիստին համանախագահ Բորիս Տարասյուկը, ով նաև Ուկրաինայի պատվիրակության անդամ է, ներկայացրեց «Ուկրաինայի նկատմամբ Ռուսաստանի ռազմական ագրեսիայի վերաբերյալ» բանաձևը, որն ըստ նրա, մշակվել է փոխզիջումային տարբերակով:
«Բանաձևը նվիրված է ընթացող պատերազմին, որ Ռուսաստանը վարում է Ուկրաինայի ժողովրդի դեմ, որը շարունակվում է արդեն մեկ տարուց ավելի և որի հետևանքով Դոնբասում մարդիկ զոհվում են, տառապում, ավելի քան մեկ ու կես մլն քաղաքացիական բնակչություն տեղահանվել են իրենց մշտական բնակության վայրից, մի քանի հարյուր հազարը փախստականներ են դարձել»,-ասաց նա:
Բորիս Տարասյուկը նաև նշեց, որ Ղրիմը օկուպացվել է և ապօրինի կերպով միացվել ՌԴ-ին: Նա նշեց, որ պետք է ամեն ձևով նպաստել, որպեսզի ՌԴ-ն հանի իր զորքերը Ուկրաինայից և նպաստի խաղաղության հաստատմանը:
«Կոչ եմ անում խորհրդարանական վեհաժողովի բոլոր պատվիակներին կողմ արտահայտել այս բանաձևին»,-ասաց նա: