ԱՄՆ պետդեպարտամենտի մամուլի խոսնակ Ջեն Պսակիին մամուլի ասուլիսի ժամանակ լրագրողը հարցրել է՝ արդյոք նա տեղյակ է Հիլարի Քլինթոնը պաշտոնը թողնելուց հետո ստորագրել է OF-109 անվանումն ունեցող փաստաթուղթը, որը ենթադրում է, որ նա պետք է հանձնի իր աշխատանքի հետ կապ ունեցող բոլոր փաստաթղթերը: Վերոնշյալ փաստաթղթի պայմանները խախտելը հանցագործություն է համարվում: Այս մասին հայտնում է ijreview.com կայքը:
Լրագրողը նաև հարցրել է, եթե ստորագրել է, ապա որտե՞ղ կարելի է գտնել այդ փաստաթուղթը:
Պսակին պատասխանել է, որ դեռևս տեղեկություն չունի, աշխատանքներ են տարվում վերոնշյալ հարցը պարզելու համար:
Լրագրողն ասել է, որ դա այդքան բարդ չի, կադրերի բաժինը յուրաքանչյուր աշխատակցի մասով ունի համապատասխան փաթեթ:
Պսակին պատասխանել է, որ իր կարծիքով նախկին քարտուղարները ստանդարտ աշխատակիցներ չեն, լրագրողն էլ հավելել է, որ գուցե նրանք սովորական չեն, բայց փաստորեն ինչքան բարդ է այդ թուղթը գտնելը:
Պսակին եզրափակել է խոսքը՝ ասելով, որ գիտեմ, թե ինչու եք հարցնում, բայց մենք փնտրում ենք, ես այսօր այդ հարցի պատասխանը չունեմ:
Հիշեցնենք, որ նախորդ շաբաթ ԱՄՆ-ում մամուլը ակտիվորեն քննարկում էր այն հարցը, որ բոլոր աշխատակիցները, այդ թվում պետքարտուղարը, պետք է ստորագրեն վերոնշյալ փաստաթուղթը նախքան գրասենյակը լքելը:
Այժմ միայն մեկ հարց կա՝ ձեռնտո՞ւ է գտնել այդ թուղթը, թե ոչ:
