Զինված հանցագործները Թունիսի մայրաքաղաքի կենտրոնում գտնվող թանգարաններից մեկում պատանդ են վերցրել զբոսաշրջիկների խմբի, հաղորդում է ТАСС-ը՝ հղում անելով Al Arabia-ին:
Նախնական տեղեկություններով՝ պատանդ է վերցվել երեք մարդ:
ԶԼՄ-ների տեղեկություններով՝ մի քանի զբոսաշրջիկ սպանվել է:
Միևնույն ժամանակ Reuters գործակալությունը հաղորդում է, որ երեք զինված մարդ հարձակվել է Թունիսի խորհրդարանի վրա:
Ինչպես հայտնել է տեղական ռադիոկայանը, խոսքը «Բարդո» թանգարանի մասին է: Նշվում է, որ թանգարանը գտնվում է խորհրդարանի մոտակայքում, որի վրա հարձակում է իրականացվել:
Խորհրդարանի անդամներից մեկը հայտնել է AFP գործակալությանը, որ խորհրդարանական աշխատանքը դադարեցվել է կրակոցներից հետո, և պատգամավորները հավաքվել են շենքի նախասրահում: Շենքի ներսում, ինչպես նշվում է, շարունակվում է փոխհրաձգությունը:
Տեղեկությունների համաձայն՝ երկու հարձակումները կարող են կապված լինեն միմյանց հետ: