Եվրոպայի ևս երեք երկրում` Ֆրանսիայում, Գերմանիայում և Իտալիայում, որոշում են կայացրել միանալ Չինաստանի նախաձեռնությամբ ստեղծվող Ենթակառուցվածքային ներդրումների ասիական բանկին: Այս մասին հայտնում է Корреспондент-ը` վկայակոչելով Financial Times-ը:
Ինչպես մեկնաբանել է Reuters-ը` նման որոշում կայացվել է՝ ի հեճուկս Վաշինգտոնի կոչերի, որը կասկածի տակ էր առնում այն, որ նոր բանկը կառավարման բարձր չափանիշներ կունենա և կկարողանա սոցիալական երաշխիքներ տրամադրել:
Միևնույն ժամանակ Եվրախորհրդարանի նախագահն արդեն աջակցել է եվրոպական երկրների որոշմանը` ընդգծելով, որ Չինաստանի բանկը պետք է համապատասխանի միջազգային չափանիշներին:
Չինական «Սինխուա» գործակալությունը հայտնում է, որ Չնաստանի բանկին միանալու մասին մտածում են նաև Հարավային Կորեան, Շվեյցարիան և Լյուքսեմբուրգը:
