Ուկրաինայում ճգնաժամը «պերեստրոյկայի» ձախողման և մի քանի այլ գործոնների արդյունք է, կարծում է ԽՍՀՄ նախկին նախագահ Միխայիլ Գորբաչովը։ Նման կարծիք նա հայտնել է Российская газета-ան։
Նրա խոսքով՝ 1991-ին ԱՊՀ ստեղծման մասին Բելովեժսկի համաձայնագրի ստորագրմանը հաջորդած տարիներն Ուկրաինայի համար փորձություն էին։
«Ներքաշելով երկիրը «եվրաատլանտյան միություն»՝ Արևմուտքը ցուցադրաբար անտեսել է Ռուսաստանի շահերը»,- կարծում է Գորբաչովը։
Նրա կարծիքով՝ Արևմուտքի երկրների այդ գործողությունների պատճառով պարտվել են բոլորը՝ «ի հայտ է եկել նոր «սառը» և, նույնիսկ, «տաք» պատերազմի իրական վտանգ»։
