Իրանի արտաքին գործերի նախարար Մոհամմադ Ջավադ Զարիֆը հայտարարել է, որ միջուկային ծրագրի խնդրահարույց հարցերի շուրջ Իրանի և վեցյակի միջև գտնվել են քաղաքական և տնտեսական լուծումներ, հայտնում է «ՌԻԱ Նովոստի»-ն:
Նախարարը հայտնել է, որ Իրանի և Ատոմային էներգետիկայի կազմակերպության փորձագետների և նախարարության բարձրաստիճան ներկայացուցիչների խորհրդակցության արդյունքում այնպիսի հարցերի շուրջ են տնտեսական և քաղաքական լուծումներ գտնվել, որոնք նախկինում անլուծելի էին թվում:
Նրա խոսքերով, իրանական պատվիրակությունը պատրաստ է եղել շարունակելու քննարկումը, սակայն վեցյակի անդամներին ներքին խորհրդակցությունների նպատակով ավելի շատ ժամանակ է պետք եղել: