Իրանի արտգործնախարար Զարիֆը հայտարարել է, որ միջուկային բանակցությունների տեխնիկական հարցերի մանրամասների լուծումը սպասվում է հաջորդ փուլում: Այս մասին հայտնում է ՏԱՍՍ-ը:
Նա նշել է նաև, որ Լոզանում անցկացված բանակցությունները «բարդ էին և ինտենսիվ», միաժամանակ` «օգտավետ և հուսադրող»: Զարիֆը նկատել է նաև, որ կոորդինացման համար մեծ ժամանակ է հարկավոր նաև Արևմուտքի երկրներին:
Ավելի վաղ Իրանը հայտարարել էր, որ իր բանակցողների նոր թիմի ջանքերի շնորհիվ «գտնվել են համապատասխան տեխնիկական և քաղաքական լուծումներ» այն խնդիրների համար, որոնք նախկինում անլուծելի էին թվում:
Վեցնյակի հետ բանակցություննների հաջորդ փուլը սպասվում է Շվեյցարիայում՝ մարտի 26-ին:
