Ադրբեջանի կապի և բարձր տեխնոլոգիաների նախարարության տեղեկատվական-հաշվողական կենտրոնն ավարտել է տեղային համացանց ստեղծելու աշխատանքները, տեղեկացնում է Trend գործակալությունը:
Ցանցն ստեղծվել է «Էլեկտրոնային կառավարություն» կայքին որակյալ հասանելիություն ապահովելու նպատակով:
«Այս պահին կենտրոնում աշխատանքներ են իրականացվում նոր ցանցը պրովայդերներին միացնելու ուղղությամբ»,-ասել են կենտրոնից:
Տվյալների փոխանցման արագությունը, օգտագործման աճին զուգահեռ, կարող է հասցվել մինչև 10 գեգաբիթ/վայրկյանի:
Ինտերնետային հոսքի օպտիմալացումը թույլ կտա մինչև 40 տոկոսով թեթևացնել միջազգային պրովայդերների ալիքների ծանրաբեռնվածությունը, ինչն, իր հերթին, էապես կարագացնի տեղական ցանցային ռեսուրսներին հասանելիությունը: