«Վրացական երազանք» իշխող կոալիցիայի հիմնադիր, Վրաստանի նախկին վարչապետ Բիձինա Իվանիշվիլին կարծում է, որ նախկին նախագահ Միխեիլ Սաակաշվիլիի «Միացյալ ազգային շարժում» կուսակցության իշխանության վերադառնալու հույսերը զուր են, գրում է ria.ru-ն:
«Միացյալ ազգային շարժումը» պատրաստվում է հաջորդ շաբաթվանից ստորագրահավաք սկսել Վրաստանի կառավարությանն անվստահություն հայտնելու հարցով: Այդ մասին խորհրդարանական ընդդիմության առաջնորդները հայտարարել են շաբաթ օրը Թբիլիսիի կենտրոնում՝ Ազատության հրապարակում կայացած իրենց աջակիցների բազմահազարանոց ակցիայի ժամանակ:
«Վրացի ժողովուրդը լավ է հիշում բանտերի խոշտանգումների սարսափելի կադրերը և չի ցանկանա այդ անցյալ վերադառնալ»,- կիրակի երեկոյան հայտարարել է Իվանիշվիլին իր «2030» հեռուստանախագծում: