Մարտի սկզբից Թուրքիայի իրավապահ մարմինները Ստամբուլի օդանավակայաններում ստուգումներ էին սկսել, որոնց արդյունքում Թուրքիայից արտաքսվել է 34 մարդ՝ աշխարհի 17 երկրներից։
Նրանք բոլորն էլ ցանկացել են անցնել Սիրիա՝ միանալու «Իսլամական պետություն» ահաբեկչական խմբավորմանը։
Ինչպես տեղեկացնում է ադրբեջանական ԱՊԱ գործակալությունը, ձերբակալվածների թվում կան նաև Ադրբեջանի քաղաքացիներ։
Ձերբակալվածների թվում եղել է նաև ռուսաստանցի մի կին, ով իր 3 և 4 տարեկան երեխաների հետ ցանկացել է անդամակցել ահաբեկչական խմբավորմանը։
Արտաքսվածների թվում եղել են Ֆրանսիայի, Բելգիայի, ԱՄՆ-ի, Իրաքի, Ռուսաստանի, Տաջիկստանի, Շվեդիայի, Սաուդյան Արաբիայի, Իրանի, Լիբիայի, Պակիստանի, Գերմանիայի, Աֆղանստանի և այլ երկրների քաղաքացիներ։
Ի դեպ, Թուրքիայի տարածքն օգտագործելով՝ Սիրիայում կռվող ԻՊ-ին միանալ ցանկացողների գերակշիռ մասն Իսպանիայի Բարսելոնա և Շվեդիայի մայրաքաղաք Ստոքհոլմի բնակիչներ են եղել։
