Ուկրաինան ապրիլի 1-ից կդադարեցնի Ռուսաստանից գազի գնումը: Այդ մասին հայտնել է Ուկրաինայի էներգետիկայի նախարար Վլադիմիր Դեմչիշինը Կիևում կայացած մամուլի ասուլիսի ժամանակ, գրում է korrespondent.net-ը:
Նրա խոսքով՝ դա կապված է նրա հետ, որ Ուկրաինա Եվրոպայից ներկրվող գազի գներն ավելի ցածր են, քան Ռուսաստանից ստացվող գազի գները:
«Մենք այժմ դադարում ենք այն գնել: Չկա նման սուր անհրաժեշտություն»,- բացատրել է նախարարը:
Ավելի վաղ ՌԴ էներգետիկայի նախարարությունից նշել էին, որ Ուկրաինայի համար գազի գինը երկրորդ եռամսյակում կարող է լինել առաջին եռամսյակի գներից 1 հազար խորանարդի համար 50-80 դոլարից ցածր՝ նավթի ցածր գների պատճառով: