Ուկրաինայի նախարարների կաբինետի նիստի ժամանակ ձերբակալվել են Ուկրաինայի արտակարգ իրավիճակների պետական ծառայության ղեկավար Սերգեյ Բոչկովսկին և նրա առաջին տեղակալ Վասիլի Ստոեցկին: Այս մասին հայտնում է ՈՒՆԻԱՆ-ը:
Հաղորդվում է, որ ձերբակալվածները կասկածվում են պետգնումների անցկացման ժամանակ պետական միջոցների հափշտակման մեջ:
Այսպես, նախարարների կաբինետը որոշել է հեռացնել Ուկրաինայի արտակարգ իրավիճակների պետական ծառայության բարձրագույն ղեկավարությանը և ծառայության կառուցվածքային ստորաբաժանումների ղեկավարներին:
Նշվում է, որ Ուկրաինայի վարչապետ Արսենի Յացենյուկն իրավապահներին թույլ է տվել հետաքննական գործողություններ իրականացնել կառավարության հաստատություններում՝ ՆԳՆ ղեկավար Արսենի Ավակովի զեկույցից հետո:
