Ռուսաստանի նախագահ Վլադիմիր Պուտինը չի նշելու երկրի նախագահի պաշտոնում առաջին անգամ ընտրվելու 15-ամյակը:
Ինչպես տեղեկացնում է ТАСС-ը, այդ մասին լրագրողներին հաղորդել է Պուտինի մամուլի քարտուղար Դմիտրի Պեսկովը:
«Այդ առումով ոչինչ չի պլանավորվում»,-ասել է Պեսկովը՝ հստակեցնելով, որ նախագահն այսօր բացառապես աշխատանքային օրակարգ ունի:
Ուղիղ 15 տարի առաջ Պուտինն առաջին անգամ հաղթել է նախագահի ընտրություններում:
Լրագրողները նաև հետաքրքրվել են Պեսկովից, թե նման դեպքում կա՞ արդյոք նախագահին շնորհավորելու պրակտիկա:
«Ես նման ավանդույթի մասին տեղյակ չեմ»,- հայտարարել է նա:
