Ամերիկյան ավիացիան «Իսլամական պետություն» խմբավորման կողմից վերահսկվող տարածքում մոտ 60 հազար թերթիկ է նետել՝ ընդդեմ ծայրահեղական խմբավորման։
Ինչպես տեղեկացնում է gazeta.ru-ն, բեռը տեղ է հասցրել F-15E կործանիչը։
Նման թռուցիկներ հիմնականում տարածվել են Ռաքքա քաղաքում, որն «Իսլամական պետություն» խմբավորման ոչ պաշտոնական մայրաքաղաքն է համարվում։
«Եթե ձեզ ԻՊ-ը հավաքագրի, դուք կհայտնվեք մսաղացում, ինչը ձեր առողջության վրա լավ ազդեցություն չի ունենա»,- գրված է եղել թռուցիկում։
Կարգախոսն ուղեկցվել է նաև նկարով, որում ԻՊ-ը կամավորներին անցկացնում է հսկա մսաղացով։
Ավելի վաղ հաղորդվել էր, որ Պակիստանի ու Աֆղանստանի մի շարք քաղաքներում «Իսլամական պետության» թռուցիկներն են բաժանվել։
«Իսլամական պետությունն» ահաբեկչական խմբավորում է, որի գործունեությունն արգելված է մի շարք երկրներում։
