Պայթյունը և դրան հետևած հրդեհը ոչնչացրել է Նյու Յորքի կենտրոնում բնակելի համալիրի չորս շենքերից երեքը, հաղորդում է ՌԻԱ Նովոստին` հղում անելով NBC հեռուստաալիքին։
Ավելի վաղ հաղորդվել էր, որ պայթյունի հետևանքով երկու բնակելի շենք է փլուզվել։
Քաղաքապետ Բիլ դը Բլազիոն ավելի վաղ հայտարարել էր, որ պայթյունի պատճառը շենքի առաջին հարկում գազատար խողովակը վնասած բանվորների անզգուշությունը։
Վերջին տվյալներով, վնասվածքներ է ստացել 19 մարդ, նրանցից չորսը հոսպիտալացվել են կրիտիկական վիճակում։
Շարունակվող հրդեհի դեմ պայքարում է մոտ 250 մարդ, նշում է հեռուստաալիքը։