Ինչպես հաղորդում է Ռիա Նովոստի գործակալությունը, Սիրիայի իշխանությունները պատրաստ են ԱՄՆ-ի հետ սկսել երկխոսություն սիրական ճգնաժամի խաղաղ կարգավորման շրջանակներում:
Այդ մասին հայտնել է Սիրիայի նախագահ Բաշար Ասադը, նշելով, որ երկիրը պատրաստ է բոլոր շահագրգիռ կողմերի, այդ թվում՝ ԱՄՆ-ի հետը, սկսել երկխոսություն:
Նա ընդգծել է, որ երկխոսությունն ու բանակցությունները հնարավոր են միայն Սիրիայի ինքնիշխանության իրավունքի հարգման ու ճանաչման պայմաններում:
Ավելի վաղ, ԱՄՆ պետքարտուղար Ջոն Քերին Եգիպտոսի նախագահի հետ հանդիպման ընթացքում հայտնել էր, որ ամերիկյան կողմը նպատակ ունի վերսկսել բանակցությունները Ասադի վարչախմբի հետ:
Սակայն Սպիտակ տան խորհրդական Ջոշ Էռնեստը հերքեց պետքարտուղարին՝ հայտնելով, որ ԱՄՆ-ը չի պատրաստվում Սիրիայի հետ բանակցել:
Միաժամանակ Գերմանիայի ԱԳՆ-ի դիրքորոշմամբ հակամարտության կարգավորման համար անհապաղ բանակցություններ պետք է սկսել սիրիական իշխանությունների հետ:
