Թուրքիան պետք է անցնի կառավարման նախագահական ձևի: Milliyet թերթի հաղորդմամբ՝ այս մասին ասել է Թուրքիայի վարչապետ Ահմեդ Դավութօղլուն:
Նրա խոսքով՝ խորհրդարանական համակարգը չի համապատասխանում Թուրքիայի շահերին:
Ավելի վաղ թուրքական իշխանությունները բազմիցս հայտարարել են, որ երկիրը պետք է անցնի նախագահական կառավարման:
Հաղորդվում էր նաև, որ Թուրքիայի նախագահ Ռեջեփ Թայիփ Էրդողանը երկրի վարչապետ եղած ժամանակ անցած տարվա օգոստոսի նախագահական ընտրություններից առաջ հայտարարել էր, որ Թուրքիան պետք է անցնի կառավարման նախագահական ձևի:
Դա կարող է օգտակար լինել երկրի հետագա զարգացման համար, նշել է նա: Էրդողանը նշել է, որ այդ հարցը կբարձրացվի նախագահական ընտրություններից հետո:
Ներկայումս Թուրքիայում օրենսդիր իշխանությունը պատկանում է միապալատ խորհրդարանին:
