Չինաստանի ներդրումների ընդհանուր գումարը Մոսկվա-Կազան գերարագ երկաթուղային գծի կառուցման գործում կարող է կազմել 300 մլրդ ռուբլի: Rbc.ru-ի փոխանցմամբ` հենց այդպիսի առաջարկ է Պեկինն անում «Ռուսական երկաթգծեր» ընկերությանը:
Ինչպես հաղորդում է ՌԻԱ Նովոստին, Պեկինը պատրաստ է երկաթուղային գծի կառուցման համար 250 մլրդ ռուբլի հատկացնել չինական բանկերից՝ վարկի տեսքով, և ևս 50 մլրդ ռուբլի` որպես ներդրում նախագծի իրականացմամբ զբաղվող ընկերության կանոնադրական կապիտալում:
Այս թեման քննարկվել է Հանյան կղզում տեղի ունեցած ռուս-չինական փակ երկխոսության ժամանակ, որին ներկա է եղել ընկերության առաջին փոխնախագահ Ալեքսանդր Միշարինը:
Միշարինն ինքը խոստովանել է, որ չինացիները իսկապես առաջարկել են համատեղ ձեռնարկություն կառուցել երկաթգծի կառուցման համար, սակայն ֆինանսական պայմանների մասին նա չի պատմել: