Hewlett-Packard (НР) ընկերության նախկին գլխավոր տնօրեն Կառլի Ֆիորինան հայտարարել է ԱՄՆ նախագահական ընտրություններին հնարավոր մասնակցության մասին, գրում է forbes.ru-ն։
«Ընտրություններին մասնակցելու իմ հնարավորությունները շատ բարձր են՝ ավելի քան 90%»,- հայտնել է Ֆիորինան, ով Հանրապետական կուսակցության անդամ է։
Նրա խոսքով՝ իր փորձն իրեն լավ պատկերացում է տալիս ամերիկյան տնտեսության և արտաքին քաղաքականության մասին։
НР-ի նախկին ղեկավարի խոսքով՝ պաշտոնապես իր պլանների մասին կհայտարարի ապրիլի վերջին- մայիսի սկզբին, իսկ այժմ ձևավորում է նախընտրական շտաբ և փնտրում է «ֆինանսական ռեսուրսներ» նախընտրական արշավի համար։
