290 ամերիկացի դեսանտայիններ ապրիլի 20-ին կժամանեն Լվով։ ԱՄՆ Պետդեպարտամենտի հետ պայմանավորվածության համաձայն` ամերիկյան դեսանտայինների և Ուկրաինայի Ազգային գվարդիայի մարտական ստորաբաժանումների միջև երկարատև համատեղ զորավարժություն-վերապատրաստումներ կանցկացվեն։
Այս մասին գրել է Ուկրաինայի ներքին գործերի նախարար Արսեն Ավակովը Facebook-ի իր էջում:
Ինչպես հայտնում է նախարարը` այս մասին պայմանավորվածություն ձեռք է բերվել Ուկրաինայի նախագահ Պյոտր Պորոշենկոյի և ԱՄՆ փոխնախագահ Ջո Բայդենի միջև բանակցությունների ժամանակ:
«Կառավարությունում և Ազգային գվարդիայում մենք ավարտել ենք նախապատրաստական աշխատանքները: Զորավարժություններին կմասնակցի Ազգային գվարդիայի 900 զինվոր», - գրել է Ավակովը: